السلام عليكم ورحمة الله
اختي بعرض لك تجربتي بكل أمانه
انا شعري ناعم لكن تعبان شوي من الاهمال لاني ماحب احط فيه زيت
سمعت عن الكيراتين بحثت عنه بالنت وصرت خبيره في افضل الانواع واعرف اسوء الانوع
بعد ماخذيت القرار اني اسويه اخترت كيراتين كايور بايو بماء الذهب واستبعدت استبعاد كلي الكيراتين البناني خطير جدا والبحرين كمان مو زين وكمان كيراتين جلوبال ضار وفي انواع ثانيه مو زينه والمشاغل يستخدمونها اما لقله ذمه وضمير واما للجهل وأما لنخفاض اسعارها
المهم اني دورت على وحده تسوي لي وكنت مفتكره اني انا اللي بحدد النوع اللي ابغاه ويحطونه لي
كلمت صاحبة المشغل شنو النوع اللي تستخدمونه مارضيت تعلمني النوع اللي بتحطه في شعري وانا كانت الدراسه بتفتح فكنت متخيله ان شعري بيرتاح وبترد له روحه من جديد
المهم انها خذيت نص ساعه بس اتناقش معها عن نوع الكيراتين واني ماابغى اي نوع
في النهايه حطت بشعري من اللي عندها بالمشغل وعيوني تدمع من البخار المتصاعد وانا عندي معلومه ان الانوع الجيده لاتسبب سيلان بالانف وتدمع العين
المهم سوت شعري
رجعت بيتنا شعري كأنه مغلف بشمع وأسيام انا شعري ناعم مو كذا كأنه اسيام مكويه بكوايه
وإذا عملت فرق بشعري اشوفه متصدع
بعد شهر بدى شعري يجف جدا جدا جدا والشعره تنكسر من الاطراف وشعري باهت وجامد مافيه اي روح
بديت استخدم الشامبو العادي عشان يروح الكيراتين
بعد 3 شهور بديت احط زيت زيتون بكثره عشان الزيت يخرب الكيراتين وينزله من الشعر
المهم الحين احمد الله اكتشفت اني غلطت يوم حطيت شعري بيد حد يحطون فيه اشياء على كيفهم ومايخبروني شنو النوع اللي حاطته سويته بسعر 600 ريال وكانت تبغى تاخذ زياده بس ماعطيتها وماشفته عمل شعري حلو لا يطلع الشعر اسيام
اذا شعرك من النوع اللي ناعم وتلفان اشوي لا تسوين كيراتين لانه خاااااااااااااااااااااااااااايس
او اذا تبين تسوين ضروري اختاري افضل نوع وخذيه المشغل تحطه لك لاتحط لك من حقهم
وسلامتك حبيت افيدك بتجربتي مع الكيراتين الخايس